Heimild: Sporting Life
Sir Alex Ferguson knattspyrnustjóri Manchester United, var virkilega ánægður með 4-0 sigur liðsins á AC Milan í Meistaradeild Evrópu í gær og hrósaði sérstaklega Wayne Rooney sem skoraði tvö mörk.
Seinna mark Rooney var hans þrítugasta á leiktíðinni og það er spurning hvort hann nái Cristiano Ronaldi í markaskorun, en Ronaldo skoraði 42 mörk á þar síðasta tímabili.
,,Það er mikil áskorun," sagði Ferguson við ITV eftir leikinn gegn Milan í gærkvöldi.
,,Ef að ég á að vera hreinskilinn, þá var ég ánægður með að hann hafi náð 30 mörkum."
,,En hann heldur bara áfram að bæta sig og í kvöld var hann stórkostlegur," bætti Ferguson við.
,,Við vorum glæsilegir í síðari hálfleiknum. Við spiluðum mjög, mjög vel."
,,Þegar að við spilum á þessu tempói, þá er mjög erfitt að spila gegn okkur og þetta var virkilega góð frammistaða."
Ferguson segist ekki hafa neina óskamótherja í átta liða úrslitum: ,,Það skiptir ekki máli hvaða liði þú mætir þegar að þú hefur eins lið og ég í höndunum," sagði Ferguson að lokum.
