Heimild: Sporting Life
Alex McLeish, stjóri Birmingham, hefur sagt framherjanum Christian Benitez að hætta að vera með leikaraskap í leikjum liðsins.
Benitez lék vel í 2-1 sigri Birmingham á Portsmouth í fyrradag en hann fékk einnig að líta gula spjaldið fyrir leikaraskap í þeim leik.
,,Christian fór auðveldlega niður í fyrrakvöld og dómarinn gerði rétt þegar að hann úrskurðaði að þetta væri dýfa," sagði McLeish.
,,Christian verður að læra á menninguna í boltanum hér og að við viljum ekki svona hluti. Hann verður að standa í lappirnar."
,,Hann þarf að standa í lappirnar núna því að næst þegar að verður brotið á honum er ég viss um að dómarinn segir; 'við höfum séð hann dýfa sér' og spjaldar hann."
,,Vonandi munu dómarar meðhöndla Christian á sanngjarnan hátt en ég mun klárlega tala við hann um þetta."
