Gary Neville fyrirliði Manchester United bauð upp á heldur skrýtna aðferð tl að fagna Paul Scholes eftir að hafa tryggt liðinu sigur gegn Manchester City en Neville smellti kossi á Scholes.
Scholes skoraði markið á lokamínútu leiksins og smellti fyrirliðinn kossi á Scholes.
Það eru fáir sem elska United jafn mikið og Neville og sést það greinilega á myndinni hér til hliðar.
Þessir reyndu leikmenn voru bestu menn liðsins í leiknum.
Scholes sem er 35 ára gamall skrifaði í gær undir nýjan eins árs samning við félagið.
United er með þessum sigri að halda lífi í barátunni um sigur í ensku úrvalsdeildinni.
Chelsea mætir Tottenham á White Hart Lane seinnipartinn í dag og getur með sigri aftur komist í fjögurra stiga forystu.