Emil Daði.
Reynir Sandgerði hefur fengið Emil Daða Símonarson og Vilmund Þór Jónasson á láni frá Grindavík.
Emil Daði er kantmaður og framherji en hann verður 22 ára á þessu ári.
Emil Daði er uppalinn hjá Grindavík en hann hefur verið í leikmannahópi hjá meistaraflokki síðan sumarið 2005 þegar hann lék tvo leiki í efstu deild.
Alls hefur Emil leikið nítján deildar og bikarleiki með Grindvíkingum undanfarin ár. Í fyrra lék Emil átta leiki með Grindvíkingum í Pepsi-deildinni.
Vilmundur er varnarmaður en hann verður 22 ára á þessu ári líkt og Emil.
Vilmundur þekkir til hjá Reyni því hann lék einnig með liðinu undir lokin á síðasta tímabili þar sem hann kom við sögu í tveimur leikjum.
