Tomoaki Makino skoraði óvenjulegt mark þegar Sanfrecce Hiroshima sigraði Pohang Steelers í AFC Champions League í Asíu á dögunum. Hisato Sato tók þá vítaspyrnu og í stað þess að skjóta sendi hann á Makino sem skoraði eins og sjá má hér að neðan. Leikmenn hafa áður reynt að spila boltanum í vítaspyrnu en með mismunandi góðum árangri. Johan Cruyff gerði þetta í leik með Ajax fyrir mörgum árum og skoraði en Robert Pires og Thierry Henry klúðruðu vítaspyrnu á þennan hátt í leik Arsenal og Manchester City árið 2005. Hér að neðan má sjá myndband af öllum þessum vítaspyrnum.