Breiðabik vann Hauka 2-4 á Vodafone vellinum í dag en Haukar voru 2-1 yfir í hálfleik. Haukar eru með tvö stig en Blikar eru með 11 stig.

Tvær breytingar voru á liði Breiðabliks frá tapinu gegn FH í bikarnum, Arnór Sveinn Aðalsteinsson og Olgeir Sigurgeirsson fóru á bekkinn og Árni Kristinn Gunnarsson og Kristinn Steindórsson komu í liðið.

Blikarnir byrjuðu leikinn betur og það var Guðmundur Kristjánsson sem kom Blikum yfir á 19. mínútu. Krstinn Jónsson sendi fyrir markið af hægri kantinum og Guðmundur setti boltann í netið.

Skömmu síðar var Alfeð Finnbogasson í ákjósanlegu færi, hann prjónaði sig í gegnum vörn Hauka en lét Daða Lárusson verja frá sér.

Það var svo á 38. mínútu sem Sam Manton jafnaði leikinn, Úlfar Hrafn Pálsson sendi fyrir markið af vinstri kantinum og Manton stökk manna hæst og skallaði boltann í netið.

Það var svo sex mínútum síðar sem Haukar fengu vítaspyrnu, boltinn virtist fara í höndina á Kristinn Jónssyni og Erlendur Eiríksson dæmdi vítaspyrnu. Á punktinn fór Arnar Gunnlaugsson og var spyrnan afar örugg.

Staðan var 2-1 í hálfleik fyrir heimamenn sem voru í fyrsta skipti komnir yfir í Pepsi deildinni.

Þegar tíu mínútur voru búnar af síðari hálfleik jöfnuðu Blikar leikinn, eftir hornspyrnu frá hægri skoraði Kári Ársælsson. Eftir klafs í teignum fór boltinn til Kára sem skoraði framhjá Daða Lárussyni.

Sex mínútum síðar þá komust gestirnir i Breiðablik yfir, Kristinn Steindórsson sendi inn fyrir vörn Hauka og Andri Rafn Yeoman sem hafði nýlega komið inná skoraði fyrir Blika. Vel klárað hjá þessum snögga leikmanni.

Það var svo á 80. mínútu sem Breiðablik jók forystuna. Fyrirgjöf frá vinstri kantinum rataði á kollinn á Þórhalli Dan Jóhannsson sem varð fyrir því óláni að skora í sitt eigið mark.

Hvorugu liðinu tókst að skora eftir þetta og 2-4 sigur Breiðabliks staðreynd.

Blikar voru þó slakir í leiknum en það sýnir styrkleika merki að klára leikina þegar liðið er lélegt.

Haukar áttu hinsvegar ágætis spretti í leiknum en miðað við þessar fyrstu umferði er ansi líklegt að Haukarnir staldri stutt við í efstu deild.

Haukar (4-3-3) Daði Lárusson (M), Kristján Ómar Björnsson, Guðjón Pétur Lýðsson, Úlfar Hrafn Pálsson (Jónmundur Grétarsson, 78), Hilmar Geir Eiðsson, Þórhallur Dan Jóhansson (F), Arnar Gunnlaugsson (Ásgeir Þór Ingólfsson, 71), Gunnar Ormslev Ásgeirsson, Daníel Einarsson, Guðmundur Mete (Pétur Ásbjörn Sæmundsson, 55), Sam Manton.
Ónotaðir varamenn: Amir Mehica (M), Pétur Örn Gíslason, Ísak Örn Einarsson , Stefán Daníel Jónsson.

Breiðablik (4-3-3) Ingvar Kale (M), Árni Kristinn Gunarsson, Elfar Freyr Helgason, Kári Ársælsson (F), Kristinn Jónsson, Jökull Elísabetarsson, Guðmundur Kristjánsson (Olgeir Sigurgeirsson, 71), Alfreð Finnbogason, Haukur Baldvinsson (Finnur Orri Margeirsson, 55), Guðmundur Pétursson (Andri Yeoman, 55), Kristinn Steindórsson.
Ónotaðir varamenn. Sigmar Ingi Sigurðsson (M), Rannver Sigurjónsson, Arnór Sveinn Aðalsteinsson, Elvar Páll Sigurðsson.

Maður leiksins: Alfreð Finnbogason (Breiðablik)