„Mér fannst ÍH spila vel varnarlega og þeir voru duglegir að koma til baka svo það var mjög gott að skora í restina," sagði Ejub Purisevic þjálfari Víkings Ólafsvík eftir 0-1 sigur á ÍH á Ásvöllum í dag.
„Við vorum að reyna að sækja allan tímann og halda haus og þetta kom í restina."
„Mér fannst við skapa 3-4 færi til að skora og ef við hefðum skorað fyrr þá hefði leikurinn verið auðveldari."
„Ég vissi að við vorum að koma af grasi yfir á gervigras en þeir spiluðu nokkuð agað og skipulagt. Mér fannst við spila vel og við fengum þrjú stig svo ég er þokkalega sáttur við frammistöðuna í dag."
Varamannabekkur Víkings virtist þunnskipaður í kvöld.
„Við lentum í smá meiðslum og það eru líka strákar sem spila með 2. flokknum og svona. En við búum úti á landi, það er aldrei stór hópur."
Ejub ætlar sér að vera í toppbaráttu.
„Já, ég held að við verðum þar. Við spilum vel og ég held að við verðum þar einhversstaðar nálægt. Við erum bara að reyna að fara eins langt og við getum."
