Haaland, Toney, Gomes, Diomande, Gyokeres, Southgate, O'Neil, De Zerbi og fleiri góðir í slúðri dagsins
   lau 26. júní 2010 17:11
Fótbolti.net
Umfjöllun: Andri Rúnar tryggði BÍ/Bolungarvík sigur á Hetti
Guðmundur Bj. Hafþórsson skrifar frá Egilsstöðum
Sigurgeir Sveinn Gíslason og Högni Helgason í leiknum í dag.
Sigurgeir Sveinn Gíslason og Högni Helgason í leiknum í dag.
Mynd: Agl.is/Gunnar
Andri Rúnar Bjarnason skoraði eina markið.
Andri Rúnar Bjarnason skoraði eina markið.
Mynd: Agl.is/Gunnar
Mynd: Agl.is/Gunnar
Höttur 0 - 1 BÍ/Bolungarvík
0-1 Andri Rúnar Bjarnason ('79)

Þessi leikur var mikilivægur fyrir bæði lið því það lið sem myndi vinna færi á topp deildarinn og hitt yrði 3 stigum á eftir þar sem þau voru jöfn í 2. og 3. sæti deildarinnar.

Leikurinn var leikinn af varfærni fyrstu mínúturnar en eftir snögga sókn heimamanna fékk Ingvi Georgsson dauðafæri á markteig eftir sendingu Bjartmars Hafliðasonar en Ingvi stangaði boltann rétt framhjá fjærstönginni og staðan því enn 0-0. Fyrri hálfleikur gaf svo lítið af sér í færum þar sem sitthvort liðið fékk hálffæri sem nýttust ekki og því jafnt í hálfleik.

Gestirnir byrjuðu svo sterkir og fengu tvö ágætis færi á fyrstu 5 mínútum síðari hálfleiks, fyrst átti Andri Rúnar Bjarnason góða takta á vinstri kantinum, hann fór inn í teiginn en skot hans hafnaði í varnarmanni og svo í hliðarnetið.

Upp úr horninu átti svo Dalibor Nedic skalla rétt framhjá. Þetta virtist eins og vítamínsprauta fyrir Hattarmenn því Stefán Þór Eyjólfsson fékk gott færi inní teig en Róbert Óskarsson varði vel en boltinn stefndi svo inní markið þar sem varnarmaður náði að þruma boltanum í burtu á marklínu.

Þegar hálftími lifði leiks fékk Högni Helgason svo gott skallafæri en náði ekki að sneiða boltann framhjá Róberti í marki gestana. Varnarmenn BÍ/B áttu svo slaka sendingu aftur á markmann og Ingvi Georgsson elti en enn og aftur bjargaði Róbert gestunum á síðustu stundu.

Það var svo á 79. mínútu leiksins sem fyrsta og eina mark leiksins kom, miðjumaður Hattar missti boltann á miðju vallarins boltinn barst til Andra Rúnars Bjarnasonar út á kantinn þar sem hann lék inná miðjuna og átti skot á markið, sem virtist reyndar ekki fast en var greinilega hnitmiðað því boltinn endaði í markhorni heimamanna, 0-1 fyrir BÍ/Bolungarvík.

Heimamenn pressuðu svo stíft það sem eftir lifði leiks og Jóhann Valur Klausen var nálægt því að jafna leikinn á 88. mínútu þegar hann fékk langa sendingu innfyrir vörn gestanna þar sem Róbert kom á móti en Jóhann var sneggri í boltann og náði að vippa yfir markmanninn í erfiðri stöðu, boltinn lenti í jörðinni fyrir framan markið og þaðan í innanverða stöngina og lenti á eina staðnum í teignum þar sem ekki var heimamaður og gestirnir hreinsuðu útaf.

Sannkallaður baráttusigur hjá BÍ/Bolungarvík en líklega hefðu sanngjörnustu úrslit leiksins verið jafntefli en það er ekki spurt að því hvað er sanngjarnt heldur hvort liðið skorar fleiri mörk og í dag voru það gestirnir að vestan sem gerðu það. Jafnframt var þetta fyrsti leikur Hattar á grasinu á Vilhjálmsvelli en hingað til hafa leikirnir farið fram á góðu gerfigrasi í Fellabæ.
banner
banner
banner
banner