Heimild: Liverpool Echo
Roy Hodgson, knattspyrnustjóri Liverpool, segir að sóknarmaðurinn Fernando Torres hafi ekki hug á að yfirgefa Liverpool í sumar, þrátt fyrir að það þýði að hann spili ekki í Meistaradeild Evrópu í ár.
,,Hann hefur tilkynnt okkur að hann hlakki til að mæta til æfinga á mánudaginn." sagði Hodgson,
,,Hann er núna í fríi eftir Heimsmeistarakeppnina og er einhverstaðar að eyða því með fjölskyldu sinni en við eigum von á honum á mánudaginn."
,,Hann segist hlakka til að snúa aftur og vonast til að eiga gott tímabil með Liverpool."
Miklar vangaveltur hafa verið um framtíð kappans í sumar og enskir veðbankar hættu um helgina að taka við veðmálum um að Torres myndi spila næsta tímabil í Chelsea treyju en það virðist lítið verða af því.