Heimild: Heimasíða Stoke
Eiður Smári Guðjohnsen sem gekk í gær til liðs við Stoke City verður númer 7 hjá Stoke City en númerunum var úthlutað í dag þegar 25 manna leikmannalistar voru tilkynntir.
Eiður lék einnig í treyju númer 7 þegar hann var hjá Barcelona. Treyja númer 7 var laus þar sem Liam Lawrence var seldur til Portsmouth og valdi Eiður að taka hana. Eiður Smári hefur annars spilað í treyju númer 12 hjá Bolton, 22 hjá Chelsea, 7 hjá Barcelona, 9 hjá Monaco og 17 hjá Tottenham. Hann er því aftur komin í treyju númer 7. Það verður forvitnilegt að fylgjast með honum hjá Stoke City.
