Heimild: Sky 

Jovanovic gekk til liðs við Liverpool á frjálsri sölu frá Standard Liege í sumar en þessi serbneski landsliðsmaður hefur ekki náð að festa sér sess í liðinu undir stjórn Roy Hodgson. Hann segist ekki vera ánægður með sína stöðu.

„Ég finn hvernig tíminn er farinn að dragast á langinn," á Jovanovic að hafa sagt við The Sun.

„Ég er baráttumaður en ef hlutirnir fara ekki að lagast mun ég skipta um félag, jafnvel þó það sé of snemmt að fara að hugsa út í það núna."

„Ég er í góðu formi og ég legg mig allan fram og ég hef byrjað inni á í átta leikjum. En ég hef ekki verið í byrjunarliðinu undanfarið og ekki einu sinni komið inn á sem varamaður."