,,Það er virkilega gaman að sjá peyjana aftur og maður er að elska þetta," sagði Gunnar Heiðar Þorvaldsson sem er kominn í íslenska landsliðshópinn á nýjan leik.
Gunnar Heiðar er í landsliðshópnum sem mætir Portúgölum á þriðjudagskvöld.
,,Þetta er virkilega gott lið sem við erum að fara að mæta en við erum tilbúnir í þetta verkefni og ætlum að reyna að klára það með stæl."
Ferill Gunnars hefur verið upp og niður undanfarin ár en hann er nú farinn að finna sitt gamla form hjá Fredrikstad í Noregi.
,,Maður er kominn í lið þar sem maður fær að spila. Það er búið að ganga mjög vel, maður er farinn að skora aftur. Sjálfstraustið er komið í botn og maður fær vonandi að sýna það á þriðjudaginn."
Hér að ofan má sjá viðtalið í heild sinni.
