Heimild: Bold.dk
Þorsteinn Már Ragnarsson framherji Víkings Ólafsvíkur hefur þótt standa sig svo vel á reynsluæfingum hjá Velje í Danmörku upp á síðkastið að félagið vill nú framlengja dvölinni.
Þorsteinn Már var valinn efnilegasti leikmaður 2. deildar í sumar og varð einnig næstmarkahæsti leikmaður deildarinnar.
,,Hann hefur sýnt það sem við töldum að hann gæti," sagði Lars Bach yfirnjósnari félagsins á vef þess.
,,Þorsteinn Már Ragnarson er mjög hæfileikaríkur fótboltamaður sem hefur mikinn hraða og tæknilega er hann nokkuð góður. Við erum að skoða möguleikann á að fá hann hingað í lengri tíma, svo við getum séð hann í nokkrum leikjum."