Heimild: Vefur Liverpool
Jamie Carragher í leik Liverpool gegn Napoli á fimmtudag.
Roy Hodgson knattspyrnustjóri Liverpool sagði á vef félagsins í gær að Glen Johnson sé mjög tæpur vegna meiðsla og því verði Jamie Carragher líklega bakvörður áfram gegn Blackburn í dag.
Johnson hafði misst af leiknum gegn Everton um síðustu helgi vegna meiðsla á ökkla og virðist ekki vera að ná sér.
,,Glen er að reyna að ná sér en þetta lítur ekki vel út fyrir sunnudaginn sem stendur," sagði Hodgson við vef félagsins.
,,Ég hef ekki útilokað hann en ég vonaðist til þess að þegar við snerum aftur frá Napoli gæti hann æft á föstudeginum. Því miður gekk það ekki svo við verðum að sjá til."
,,Ef Glen spilar ekki þá verður Jamie í hægri bakverðinum. Carragher spilar hvar sem maður biður hann um og hann er frábær Liverpool leikmaður og starfsmaður félagsins. Hann og Steven Gerrard eru það sem Liverpool snýst um."
,,Jamie er miðvörður og það er þar sem ég hefði viljað að hann væri að spila. Ég vil ekki þurfa að færa hann í bakvörð en það væri rangt að setja Kelly í liðið og taka einhvern eins og Kygriakos eða Skrtel út. Við þurfum reynslu."
