Heimild: OTP
Barcelona setti nýtt met í spænska boltanum í fyrrakvöld þegar liðið náði 938 heppnuðum sendingum í 5-0 sigrinum á Real Sociedad.
Þegar Barcelona niðurlægði Real Madrid á dögunum átti liðið 684 sendingar en þær voru mun fleiri gegn Sociedad.
Barcelona náði alls að bæta fyrra metið í spænska boltanum um 108 sendingar.
Til gamans má geta þess að Stoke City hefur náð 913 heppnuðum sendingum samanlagt í síðustu þremur leikjum sínum í ensku úrvalsdeildinni og því náði Barcelona fleiri sendingum í þessum eina leik.
Xavi stjórnaði að venju umferðinni á miðjunni hjá Barcelona gegn Sociedad en hann átti 120 heppnaðar sendingar áður en hann fór af velli á 70.mínútu.