Heimild: Sky
Fernando Torres ætlar sér að vera áfram hjá Liverpool þrátt fyrir að vera orðaður frá félaginu.
Spænski framherjinn Fernando Torres segir að hann hafi engan hug á að yfirgefa félagið og biður stuðningsmenn liðsins að standa á bakvið hópinn. Torrres hefur verið orðaður frá félaginu eftir slakt gengi upp á síðkastið en þjálfaraskipti urðu hjá félaginu í gær þegar Kenny Dalglish tók við af Roy Hodgson.
Torres er samningsbundinn Liverpool til sumarsins 2013 með möguleika á einu ári til viðbótar og ætlar sér að vera hjá félaginu út þann tíma.
,,Meira en nokkurn tíma þurfum við að standa saman núna," sagði Torres í viðtali við People í dag. ,,Við verðum að lifa í nútíðinni og taka einn leik fyrir í einu."
,,Við verðum að bæta við fleiir stigum, vinna leiki og bæta stöðu okkar í töflunni. Það er okkar áskorun og ég fer fram á fulla aðstoð stuðningsmanna okkar við það."
,,Höfuð mitt er hjá Liverpool og á því að hjálpa til við að bjarga tímabilinu okkar. Ég er atvinnumaður og uppfylli alltaf samninga mína. Ég hef ekki íhugað að fara, jafnvel þó það velti á félaginu í fótbolta."
,,Liverpool náði góðum árangri undir stjórn Rafa Benítez og það er erfitt fyrir hvern sem er að fylgja í fótspor þess."
