Frá Wembley þar sem leikurinn fer fram í kvöld.
Úrslitaleikur Meistaradeildar Evrópu, viðureign Barcelona og Manchester United, verður í opinni dagskrá á Stöð 2 Sport í kvöld.
Leikurinn hefst klukkan 18:45 í kvöld en eins og venja er er úrslitaleikurinn alltaf sýndur út óruglaður.
Leikið er á Wembley í Lundúnum þar sem spennan magnast með hverri mínútunni fyrir þessum stærsta leik ársins í Evrópæu.
Gríðarleg spenna er fyrir leiknum sem hefur verið sagður stærsti úrslitaleikur mótsins í fjölda ára enda gríðarlega sigursæl lið að mætast.
