Heimild: Sporting Life
Rafael Benítez.
Rafael Benítez fyrrverandi knattspyrnustjóri Liverpool segir að hann hefði áhuga á að taka við enska landsliðinu þegar Fabio Capello hættir með það en hann hefur líka áhuga ná spænska liðinu.
Spánverjinn hefur verið atvinnulaus síðan hann hætti með Inter Milan í desember á síðasta ári en var í viðtali við Sky Sports News þar sem hann var spurður út í enska og spænska starfið.
,,Já, afhverju ekki? allir eru að spyrja mann á Spáni: 'Hefðirðu áhuga á að verða þjálfarinn í framtíðinni?'" svaraði Benítez.
,,Og á Englandi eru allir að tala um stöðu Capello. Mér finnst að það þurfi að virða stjórana, það er það fyrsta, þeir eru að vinna og þeir verða að halda áfram og sjá svo hvað gerist í framtíðinni."
,,En sem stjóri er maður alltaf að hugsa um að fá stóra áskoraun eins og Spán eða England en ég þarf að bíða. Ég hef fengið tilboð í Asíu, í Rússlandi og Suður Ameríku."
,,Það er alltaf talað um stórar upphæðir en ekki í þessu landi, Evrópa er í forgangi hjá mér. Enska úrvalsdeildin var fyrsta hugmyndin. Ef ég fæ ekki möguleika á því, félag sem er meðal þeirra betsu, þá finn ég annað."
