Elfar Árni skoraði tvö mörk fyrir Breiðablik.
Breiðablik 2-2 FH:
1-0 Elfar Árni Aðalsteinsson ('31)
1-1 Albert Brynjar Ingason ('54)
2-1 Elfar Árni Aðalsteinsson ('84)
2-2 (sjálfsmark) ('89)
Breiðablik er komið í úrslitaleik Fótbolta.net mótsins eftir að hafa gert 2-2 jafntefli við FH í Fífunni í morgun.
1-0 Elfar Árni Aðalsteinsson ('31)
1-1 Albert Brynjar Ingason ('54)
2-1 Elfar Árni Aðalsteinsson ('84)
2-2 (sjálfsmark) ('89)
Breiðablik er komið í úrslitaleik Fótbolta.net mótsins eftir að hafa gert 2-2 jafntefli við FH í Fífunni í morgun.
Liðin höfðu mæst í leiknum um 7. - 8. sæti mótsins í fyrra en bæta sig bæði milli ára því FH mun leika um 5. - 6. sætið.
Breiðablik komst yfir eftir hálftíma leik í dag þegar Rafn Andri stakk boltanum inn fyrir vörn FH á Elfar Árna Aðalsteinsson sem komst framhjá Róberti Erni Óskarssyni markverði FH og setti boltann í netið.
Albert Brynjar Ingason jafnaði metin fyrir FH snemma í síðari hálfleiknum og skömmu síðar átti Matthías Vilhjálmsson skot úr aukaspyrnu sem fór í þverslánna.
Elfar Árni sem kom til Breiðabliks í vetur frá Völsungi bætti öðru marki við fyrir Breiðablik þegar sex mínútur voru eftir af leiknum með góðum skalla eftir fyrirgjöf Guðmundar Kristjánssonar.
FH jafnaði svo metin í lokin með sjálfsmarki Blika en fleiri urðu mörkin ekki svo Breiðablik endar á toppi riðilsins með 5 stig. ÍA í 2. sæti með 4 stig og FH í þriðja sæti með 4 stig einnig en lakari markatölu. Keflavík er á botninum með þrjú stig sem þeir fengu út úr sigri á ÍA í dag.
Síðar í dag skýrist hvernig A-riðillinn endar og þá um leið hvaða lið mætast í leikjum um sæti í mótinu.
Athugasemdir
