KB og Leiknir stóðu saman að tillögunni sem nú hefur verið samþykkt.
Ársþing KSÍ stendur nú yfir á Hilton hóteli Nordica og þar var rétt í þessu verið að samþykkja fjölgun deilda á Íslandsmótinu úr fjórum í fimm.
Þannig bætist við ný þriðja deild sem mun hafa tíu lið og fjórða deild verður því neðsta deild með sama fyrirkomulagi og núverandi þriðja deild.
Breytingin tekur gildi frá sumrinu 2013 og það skýrist því í haust hvaða lið það verða sem taka þátt í nýju 3. deildinni.
Frá árinu 2012 verða því efsta deild sem telur 12 lið, 1. deild sem telur 12 lið, 2. deild sem telur 12 lið, 3. deild sem telur 10 lið og 4. deild með þeim liðum sem ekki eru í efstu fjórum deildunum.
Athugasemdir
