Þróttur 2-3 Selfoss
0-1 Viðar Örn Kjartansson (víti)
0-2 Viðar Örn Kjartansson
0-3 Viðar Örn Kjartansson (víti)
1-3 Vilhjálmur Pálmason
2-3 Hermann Ágúst Björnsson
Viðar Örn Kjartansson skoraði þrennu í fyrri hálfleik þegar Selfoss vann 2-3 sigur á Þrótti í Lengjubikarnum í kvöld.
0-1 Viðar Örn Kjartansson (víti)
0-2 Viðar Örn Kjartansson
0-3 Viðar Örn Kjartansson (víti)
1-3 Vilhjálmur Pálmason
2-3 Hermann Ágúst Björnsson
Viðar Örn Kjartansson skoraði þrennu í fyrri hálfleik þegar Selfoss vann 2-3 sigur á Þrótti í Lengjubikarnum í kvöld.
Selfyssingar fengu víti snemma leiks eftir brot innan vítateigs. Viðar Örn fór á punktinn og kom þeim yfir. Hann bætti svo öðru marki við skömmu síðar og svo þriðja markinu úr vítaspyrnu sem hafði verið dæmd á hendi.
Selfyssingar höfðu mikla yfirburði í fyrri hálfleiknum og hefðu vel getað skorað fleiri mörk en Ögmundur Ólafsson markvörður Þróttar bjargaði nokkrum sinnum einn gegn sóknarmanni Selfyssinga.
Í síðari hálfleik héldu yfirburðir Selfyssinga áfram fyrst um sinn en leikurinn róaðist svo þegar liðin fóru að skipta meira og Þróttarar skoruðu tvö mörk.
Fyrst var þar á ferðinni Vilhjálmur Pálmason og svo Hermann Ágúst Björnsson. Hermann Ágúst var svo aftur á ferðinni í uppbótartíma þegar hann skoraði mark sem var dæmt af þar sem Ívar Orri Kristjánsson dómari taldi brotið á Jóhanni Ólafi Sigurðssyni markverði Selfoss. Þróttarar voru ekki sáttir og vildu láta markið standa en fengu ekki og lokastaðan því 2-3.
Athugasemdir
