Spáin:
1. ?
2. ?
3. ?
4. ?
5. ?
6. ?
7. ?
8. ?
9. ?
10. ?
11. ?
12. Selfoss 16 stig

Um liðið: Selfyssingar eru komnir upp í Pepsi-deildina í annað skipti í sögunni.  Selfoss féll árið 2010 eftir frumraun sína á meðal þeirra bestu en liðið hefur styrkt sig talsvert betur núna en fyrir tveimur árum.  Níu erlendir leikmenn eru á mála hjá Selfyssingum í augnablikinu og þeim gæti fjölgað fyrir mót.


Hvað segir Heimir? Heimir Hallgrímsson aðstoðarlandsliðsþjálfari er sérstakur álitsgjafi Fótbolta.net um liðin í Pepsi-deild karla. Heimir hefur náð mjög góðum árangri með lið ÍBV undanfarin ár.  Síðastliðið haust var Heimir ráðin aðstoðarþjálfari íslenska landsliðsins eftir að Lars Lagerback var ráðinn þjálfari. Hér að neðan má sjá álit Heimis.

Styrkleikar: Selfyssingar eru margfalt, margfalt tilbúnari í úrvaldseildina núna en fyrir tveimur árum, bæði leikmannalega sem og reynslulega. Í ár er leikmannahópurinn ekki bara betri heldur en hann jafn og breiður. Ég sá nokkra leiki með þeim í fyrra, í þeim var Babacar Sarr unaðslega góður, hann verður einn af betri miðjumönnum deildarinnar í ár. Varnarleikurinn verður líklega styrkur Selfoss í sumar, bæði leggur þjálfarinn áherslu á varnarleikinn þar er valin maður í hverju rúmi. Það var stemning í bænum þegar þeir komu upp fyrir tveimur árum, skemmtilegustu áhorfendurnir voru á Selfossi og ef sú stemning næst aftur þá getur allt gerst. Það er klárt að metnaðurinn er til staðar og liðið gæti slegið í gegn, en til þess þarf allt að ganga upp á Selfossi.

Veikleikar: Ég á erfitt með að meta styrkleika og veikleika Selfoss á þessu stigi. Það er erfitt að byggja góða liðsheild með svo marga nýja leikmenn. Það getur verið veikleiki en í því felst einnig ákveðin styrkleiki því það verður erfitt fyrir andstæðinga að kortleggja lið Selfoss að minnsta kosti í upphafi tímabils. Í liðinu eru leikmenn og tala ekki sama tungumálið sem er klárlega veikleiki. Það verkefni verður krefjandi fyrir hin tungulipra Loga Ólafsson.

Þjálfarinn: Logi Ólafsson
Logi er hokinn af reynslu og hefur greinilega gert sér grein fyrir því fljótlega að liðið var ekki nægilega vel mannað. Selfoss hefur lagt áherslu á það síðustu ár að spila á heimamönnum. Logi hefur náð að sannfæra stjórnina að til að ná árangri þarf Selfoss utanaðkomandi leikmenn með heimastrákunum. Auðun Helgason er aðstoðarþjálfari Loga. Hann ásamt Markús Kislich styrktarþjálfara mynda áhugavert þjálfarateymi. Það verður að minnsta kosti gaman að sitja á bekknum hjá Selfyssingum.

Lykilmenn: Norðmennirnir Endre Ove Brenne og Ivar Skjerve ásamt Babacar Sarr.

Gaman að fylgjast með: Það verður gaman að fylgjast með Jóni Daða Böðvarssyni. Hann hefur tekið geysilegum framförum síðustu tvö ár og það verður spennandi að sjá hvort hann haldi því áfram.

---

Líklegt byrjunarlið í upphafi móts:


Stuðningsmaðurinn segir:
Hlynur Geir Hjartarson golfari: ,,Ég mundi segja að þetta sé fín spá út á við en ég er langt frá því að vera sammála þessu. Ég spái liðinu 6-8. sæti í sumar, ég held að Selfoss liðið verði spútnik lið sumarsins. Þetta er besta fótboltalið sem Selfyssingar hafa átt og þetta er miklu betra lið heldur en þegar við fórum síðast upp. Andinn í liðinu er mjög góður, leikmennirnir góðir þjálfarinn er frábær og holningin á liðinu er mjög góð þannig að ég held að við munum ekki falla.

Völlurinn:
Selfossvöllur rúmar 750 manns í sæti í stúku og stæði eru fyrir 200 manns. Völlurinn er sífellt að verða glæsilegri og umgjörðin kringum boltann betri í bænum.

---

Breytingar á liðinu:

---

Leikmenn Selfyssinga sumarið 2012:

1. Ismet Duracak
2. Sigurður Eyberg Guðlaugsson
4. Agnar Bragi Magnússon
5. Kjartan Sigurðsson
6. Andri Freyr Björnsson
7. Jón Daði Böðvarsson
8. Babacar Sarr
9. Viðar Örn Kjartansson
10. Ingólfur Þórarinsson
11. Ólafur Karl Finsen
12. Jóhann Ólafur Sigurðsson
13. Sindri Rúnarsson
14. Tómas Leifsson
15. Abdoulaye Ndiaye
16. Gunnar Már Hallgrímsson
17. Joe Tillen
18. Pálmi Þór Ásbergsson
19. Ingvi Rafn Óskarsson
20. Robert Sandnes
21. Stefán Ragnar Guðlaugsson
22. Ivar Skjerve
23. Ingi Rafn Ingibergsson
24. Svavar Berg Jóhannsson
25. Magnús Ingi Einarsson
26. Þorsteinn Daníel Þorsteinsson
27. Jon Andre Royrane
28. Sveinn Fannar Brynjarsson
30. Endre Ove Brenne

---

Leikir Selfyssinga 2012:
6. maí Selfoss - ÍBV
10. maí Valur - Selfoss
14. maí Selfoss - FH
21. maí Fram - Selfoss
24. maí Selfoss - Grindavík
31. maí Selfoss - Breiðablik
16. júní KR - Selfoss
20. júní Selfoss - Fylkir
2. júlí Keflavík - Selfoss
5. júlí Selfoss - Stjarnan
16. júlí ÍA - Selfoss
22. júlí ÍBV - Selfoss
29. júlí Selfoss - Valur
8. ágúst FH - Selfoss
12. ágúst Selfoss - Fram
20. ágúst Grindavík - Selfoss
26. ágúst Breiðablik - Selfoss
2. september Selfoss - KR
16. september Fylkir - Selfoss
20. september Selfoss - Keflavík
23. september Stjarnan - Selfoss
29. september Selfoss - ÍA