Spáin:
1. ?
2. ?
3. ?
4. ?
5. ?
6. ?
7. ?
8. ?
9. ?
10. Grindavík 31 stig
11. Fylkir 30 stig
12. Selfoss 16 stig

Um liðið: Grindvíkingar björguðu sér frá falli á ævintýralegan hátt í fyrra með sigri á ÍBV í lokaumferðinni.  Eftir tímabilið hættti Ólafur Örn Bjarnason með liðið og hinn reyndi Guðjón Þórðarson tók við stýrinu.  Grindvíkingar hafa misst talsverða reynslu síðan á síðasta tímabili en liðið mun líklega styrkjast eitthvað fyrir mót.  


Hvað segir Heimir? Heimir Hallgrímsson aðstoðarlandsliðsþjálfari er sérstakur álitsgjafi Fótbolta.net um liðin í Pepsi-deild karla. Heimir hefur náð mjög góðum árangri með lið ÍBV undanfarin ár.  Síðastliðið haust var Heimir ráðin aðstoðarþjálfari íslenska landsliðsins eftir að Lars Lagerback var ráðinn þjálfari. Hér að neðan má sjá álit Heimis.

Styrkleikar: Varnarleikur verður þeirra aðalsmerki og  styrkleiki í sumar.  Þeir munu verða það lið sem verður hvað erfiðast að brjóta niður.  Það verður helsta breytingin á liðinu frá í fyrra.  Ég er alveg viss að Grindavík verður ekki í miðjumoði í sumar.  Fyrir mér verður tímabilið „annað hvort eða“   annað hvort gengur allt upp og liðið verður í toppnum eða í hinu mesta basli.  Ef einhver þjálfari getur náð árangri með lið sem er spáð botnbaráttu þá er það Guðjón Þórðarson.  Ég býst við að góðir leikmenn eigi eftir að detta inn hjá Grindavík á næstu dögum.  2-3 góðir leikmenn gætu breytt miklu um  gengi liðsins í sumar.  Alexander Magnússon var að mínu mati besti leikmaður Grindavíkur í fyrra og ef hann heldur áfram að bæta sig er þetta síðasta tímabilið hans í íslensku deildinni.

Veikleikar: Hópurinn er þunnur en ég hef ekki trú á öðru en að Grindvíkingar fái leikmenn áður en tímabilið byrjar.   Þjálfararáðningin var metnaðarfull og ég trúi ekki öðru en að sá metnaður sjáist  líka í leikmannamálum.  Þessi hópur er ekki nógu sterkur til að gera einhverja hluti eins og hann er í dag.  Það mun reyna mikið á senterana Tomi Ameobi og Pape Mamadou Faye, þeir eru í dag einmanna í sóknarleiknum.  

Þjálfarinn: Guðjón Þórðarson
Guðjón er ofboðslega skipulagður og staðfastur þjálfari.  Hann leggur mikla áherslu á sterkan varnarleik og líkamlegt ástand.  Hann er yfirburðarþjálfari þegar kemur að mótivation leikmanna og flestir þjálfarar á landinu óska sér að hafa það vald á íslensku máli sem hann hefur.   Ég er strax farinn að hlakka til viðtalanna eftir leiki Grindavíkur. 

Lykilmenn: Alexander Magnússon, Paul McShane og Tomi Ameobi.

Gaman að fylgjast með: Það verður gaman að fylgjast með því hvort Óskar Pétursson haldi áfram að bæta sig jafnmikið og í fyrra.  Það er nauðsynlegt fyrir Grindavik og íslenska landsliðið.

---

Líklegt byrjunarlið í upphafi móts:


Stuðningsmaðurinn segir:
Dagbjartur Einarsson útgerðarmaður: ,,Ég er ekki svo svartsýnn en ég á ekki von á okkur í einhverri toppbaráttu, langt frá því.  Ég þykist vita að við verðum í neðri helmingnum og síðan vonar maður það besta.  Mér líst vel á Guðjón, hann er ábyggilega með kjaftinn á réttum stað.  Ég hef aðeins spurt út í það og hann lætur þá alveg heyra það, ég held að það sé bara gott."

Völlurinn:
Völlurinn í Grindavík tekur 2500 manns en glæsileg stúka þeirra tekur 1500 manns. Stúkan var vígð á þjóðhátíðardegi Íslendinga, 17. júní 2001 og þykir glæsilegt mannvirki. Stúkan er svo stór að 60% bæjarbúa í Grindavík gætu komist í hana í sæti.

---

Breytingar á liðinu:

---

Leikmenn Grindavíkur sumarið 2012:

1. Óskar Pétursson
2. Loic Ondo
3. Ray Anthony Jónsson
4. Paul McShane
5. Bogi Rafn Einarsson
6. Pape Mamadou Faye
7. Alex Freyr Hilmarsson
8. Páll Guðmundsson
9. Matthías Örn Friðriksson
10. Scott Ramsay 
11. Tomi Ameobi
12. Ægir Þorsteinsson
16. Björn Berg Bryde
17. Magnús Björgvinsson
18. Ólafur Örn Bjarnason
19. Óli Baldur Bjarnason
20. Guðmundur Egill Bergsteinsson
22. Marko Valdimar Stefánsson
23. Jósef Kristinn Jósefsson
24. Daníel Leó Grétarsson
25. Alexander Magnússon
27. Hafþór Ægir Vilhjálmsson
?. Gavin Morrison
?. Jordan Edridge

---

Leikir Grindavíkur 2012:
6. maí FH - Grindavík
10. maí Grindavík - Keflavík
15. maí Fram - Grindavík
21. maí Grindavík - Stjarnan
24. maí Selfoss - Grindavík
2. júní Grindavík - ÍA
16. júní Breiðablik - Grindavík
20. júní Grindavík - ÍBV
1. júlí KR - Grindavík
5. júlí Grindavík - Valur
16. júlí Fylkir - Grindavík
22. júlí Grindavík - FH
29. júlí Keflavík - Grindavík
8. ágúst Grindavík - Fram
12. ágúst Stjarnan - Grindavik
20. ágúst Grindavík - Selfoss
26. ágúst ÍA - Grindavík
3. september Grindavík - Breiðablik
16. september ÍBV - Grindavík
20. september Grindavík - KR
23. september Valur - Grindavík
29. september Grindavík - Fylkir