Spáin:
1. ?
2. ?
3. ?
4. ?
5. ?
6. ?
7. ?
8. ?
9. Keflavík 35 stig
10. Grindavík 31 stig
11. Fylkir 30 stig
12. Selfoss 16 stig

Um liðið: Keflvíkingar byrjuðu mótið af krafti í fyrra en soguðust síðan niður í fallbaráttu.  Þeir losnuðu ekki endanlega við falldrauginn fyrr en eftir 2-1 sigur á Þór í lokaumferðinni.  Willum Þór Þórsson hætti sem þjálfari liðsins eftir mót og Zoran Daníel Ljubicic tók við skútunni eftir að hafa stýrt yngri flokkum hjá Keflavík undanfarin ár.


Hvað segir Heimir? Heimir Hallgrímsson aðstoðarlandsliðsþjálfari er sérstakur álitsgjafi Fótbolta.net um liðin í Pepsi-deild karla. Heimir hefur náð mjög góðum árangri með lið ÍBV undanfarin ár.  Síðastliðið haust var Heimir ráðin aðstoðarþjálfari íslenska landsliðsins eftir að Lars Lagerback var ráðinn þjálfari. Hér að neðan má sjá álit Heimis.

Styrkleikar: Það eru reyndir menn sem skipa hrygginn í liðinu: Ómar Jóhansson, Haraldur Freyr Guðmundsson, Jóhann Birnir Guðmundsson og Gummi Steinars. Það mun mæða mjög mikið á þeim, ef þeir haldast heilir þá getur þetta lið gert góða hluti. Með erlendu leikmönnunum (miðvörður og miðjumaður) styrkist hryggur liðsins enn meira.  

Veikleikar: Aðal veikleikinn liggur í þunnum leikmannahópi.  Það og reynslulítill þjálfari er hættulegur kokteill.  Keflavík hefur verið í  vandræðum með að skora og ég sé ekki alveg hvernig þeir ætla að leysa það vandamál.  Guðmundur Steinarsson getur ekki endalaust haldið þeim uppi í markaskorun.  Síðan er spurningin er hvort að þessir ungu strákar séu almennt nógu góðir.  Það er ekki lengur hægt að segja að þessir strákar séu efnilegir því að þeir hafa spilað töluvert af leikjum.  Þetta tímabil getur farið í allar áttir hjá Keflavík.

Þjálfarinn: Zoran Daníel Ljubic
Það mun mæða mjög mikið á Zoran.  Hann er búinn að vinna gott starf í þjálfun yngri leikmanna en sumarið verður alveg ný reynsla.  Það var gríðarlegt snjallræði hjá stjórninni að fá Oddinn (Gunnar Oddsson) með í verkefnið.  Hann er mikils metinn og hokinn af reynslu.  Ég held að Gunnar geti bætt upp það sem Zoran skortir og tel að þeir verði gott þjálfarapar.

Lykilmenn: Ómar Jóhannsson, Haraldur Freyr Guðmundsson, Guðmundur Steinarsson.

Gaman að fylgjast með: Það er mikið af ungum spennandi leikmönnum í Keflavík vonandi ná einhverjir þeirra að springa út í sumar.  Bojan sonur Zorans er t.d. einn líklegur en ég er spenntastur að sjá hvernig Jói Ben mun plumma sig í vinstri bakvarðarstöðunni. 

---

Líklegt byrjunarlið í upphafi móts:


Stuðningsmaðurinn segir:
Kjartan Másson fyrrum þjálfari: ,,Þessi spá kemur á óvart.  Ég held að þeir verði í fjórða eða fimmta sæti en það er kannski hlutdrægni í því.  Það er ótrúlegt hvað er hægt að komast langt með svona peyja þegar allt er í lagi. Ég hef séð þá í vetur og þeir spila alltaf vel í höllinni, síðan er spurning hvað gerist þegar komið er út á grasið.  Ég hef trú á Zoran, ég er búinn að þjálfa hann og þekki hann.  Hann kann þetta allt saman."

Völlurinn:
Áhorfendaaðstaða við Keflavíkurvöll er í stúku öðrum megin við völlinn en þar eru 1100 sæti í heildina og gert ráð fyrir að með stæðum geti allt að 4000 áhorfendur verið á leik á vellinum. 

---

Breytingar á liðinu:

---

Leikmenn Keflavíkur sumarið 2012:

1. Ómar Jóhannsson
2. Viktor Smári Hafsteinsson
3. Jóhann R Benediktsson
4. Haraldur Freyr Guðmundsson
5. Gregor Mohar
6. Einar Orri Einarsson
7. Jóhann Birnir Guðmundsson
8. Bojan Stefán Ljubicic
9. Guðmundur Steinarsson
10. Hilmar Geir Eiðsson
11. Magnús Sverrir Þorsteinsson
12. Árni Freyr Ásgeirsson
13. Daníel Gylfason
15. Kristinn Björnsson
17. Arnór Ingvi Traustason
18. Theodór G Halldórsson
19. Ásgrímur Rúnarsson
20. Þorsteinn Þorsteinsson
21. Bergsteinn Magnússon
22. Magnús Þór Magnússon
23. Sigurbergur Elísson
25. Frans Elfarsson
26. Grétar Atli Grétarsson
28. Viktor Smári Hafsteinsson
29. Ísak Örn Þórðarson

---

Leikir Keflavíkur 2012:
6. maí Fylkir - Keflavík
10. maí Grindavík - Keflavík
14. maí Keflavík - Stjarnan
20. maí ÍA - Keflavík
24. maí Keflavík - ÍBV
31. maí Valur - Keflavík
16. júní Keflavík - FH
20. júní Fram - Keflavík
2. júlí Keflavík - Selfoss
5. júlí Breiðablik - Keflavík
12. júlí Keflavík - KR
23. júlí Keflavík - Fylkir
29. júlí Keflavík - Grindavík
8. ágúst Stjarnan - Keflavík
12. ágúst Keflavík - ÍA
20. ágúst ÍBV - Keflavík
26. ágúst Keflavík - Valur
3. september FH - Keflavík
16. september Keflavík - Fram
20. september Selfoss - Keflavík
23. september Keflavík - Breiðablik
29. september KR - Keflavík