Heimild: Goal.com
Mauro Zarate, leikmaður Inter Milan á Ítalíu, vill vera áfram hjá félaginu, en hann er á láni frá Lazio.
Zarate, sem er 25 ára gamall kom til Inter síðasta sumar á láni frá Lazio, en hann hefur átt í miklum erfiðleikum með að festa sig í sessi í byrjunarliði Inter á þessu tímabili.
Hann hefur þó enn brennandi áhuga á að vera áfram hjá félaginu. Hann hefur leikið 21 leik á tímabilinu, en aðeins byrjað tíu af þeim inn á í ítölsku deildina og þá hefur hann náð að skora tvívegis.
,,Sný ég aftur til Lazio? Við verðum að bíða og sjá, en ef ég á að vera hreinskilinn, þá vil ég heldur vera hér," sagði Zarate.
Inter er í fimmta sæti deildarinnar, en liðið er með jafnmörg stig og Napoli og Lazio sem sitja í þriðja og fjórða sætinu, þegar þrjár umferðir eru eftir af mótinu.
Athugasemdir
