Petar Rnkovic og Rene Troost á fréttamannafundinum í dag.
Breiðablik tilkynnti í dag á fréttamannafundi að félagið hafi samið við hollenska miðvörðinn Rene Troost um að spila með liðinu í sumar.
Troost, sem er 23 ára, er á mála hjá AGOVV Apeldoorn sem leikur í næstefstu deild í Hollandi.
Troost var á reynslu hjá ÍBV í desember síðastliðnum en hann samdi ekki við félagið þrátt fyrir að hafa staðið sig ágætlega á reynslutímanum.
Hann hefur einnig leikið með FC Omniworld í sömu deild en hann ólst upp hjá því félagi.
Hann er annar erlendi leikmaðurinn sem félagið fær til liðs við sig í vetur en sóknarmaðurinn Petar Rnkovic var áður kominn.
Athugasemdir
