Reynir Sandgerði hefur fengið enska varnarmanninn Austin McIntosh til liðs við sig.
Þessi 24 ára gamli leikmaður var á dögunum á reynslu hjá Notts County í Englandi en hann getur leikið allar stöður í vörninni.
McIntosh hefur leikið með Mansfield Town, Ilkeston Town og Eastwood Town á Englandi sem og í Bandaríkjunum.
Reynismenn byrjuðu aðra deildina af krafti síðastliðinn föstudag þegar liðið sigraði HK 2-1 í fyrstu umferðinni.
Auk þess að fá McInthosh er miðjumaðurinn Rúnar Guðbjartsson kominn til félagsins frá Þrótti sem og varnarmaðurinn Tómas Karl Kjartansson frá Keflavík.
Athugasemdir
