Sigurbjörn Örn Hreiðarsson aðstoðarþjálfari Hauka lék ekki með liðinu gegn Fram í Borgunar-bikarkeppninni í kvöld vegna meiðsla. Hann var virkilega stoltur af strákunum sem spiluðu og fannst Haukaliðið síst lakari aðilinn á köflum.
Lestu um leikinn: Fram 5 - 4 Haukar
,,Fyrst við héldum þetta út og fórum í vítakeppni þá er auðvitað ömurlegt að detta út í henni en það auðvitað getur alltaf gerst að það fari svo," sagði Bjössi sem eins og fyrr segir var ánægður með margt í leiknum hjá Haukaliðinu,
,,Liðið var mjög öflugt, holningin var mjög góð, menn lögðu sig alla fram og skyldu allt eftir á vellinum, þannig að mannskapurinn var að standa sig mjög vel og þeir eiga hrós skilið. Mér fannst við vera síst lakari aðilinn hér í kvöld."
Eins og fyrr segir var Sigurbjörn ekki með í kvöld vegna meiðsla, eins og margir aðrir leikmenn Hauka þessa stundina, en hann hefði auðvitað viljað spila þennan leik og jafnvel tekið víti í vítaspyrnukeppnni, þ.e.a.s. ef hann hefði haldið út í 120 mínútur,
,,Ef maður hafði hangið inn á í 120 mínútur og haldið út þá hefði maður að sjálfsögðu boðið sig fram og það er auðvitað grautfúlt að vera spila hérna á Laugardalsvellinum og missa af leiknum en svona er þetta," sagði Sigurbjörn Örn, eða Bjössi Hreiðars. eins og hann er jú oftast kallaður.
Viðtalið í heild sinni við Sigurbjörn er hægt að sjá í sjónvarpinu hér að ofan.
Athugasemdir
