Heimild: BBC 

Fjárfestirinn Charles Green bauðst til að kaupa Rangers og eignir félagsins á 5.5 milljónir punda, en skattayfirvöld í Bretlandi og kröfuhafar félagsins hafa hafnað því tilboði.

Með þeirri ákvörðun hefur hið upprunalega Glasgow Rangers verið þurrkað út, en skuldir til banka og í skatt voru gríðarháar. Félagið verður af öllum líkindum leyst upp og eignir látnar í hendur kröfuhafa.

Nýtt félag verður stofnað á rústum þess gamla, en alls óvíst er hvort hið nýstofnaða félag fái að taka sæti þess gamla í skosku úrvalsdeildinni. Önnur félög í deildinni hafa nefnilega þegar lýst andstöðu sinni gegn þeim hugmyndum.