1. Gylfi Sigurðsson
Væri frábær kostur til að fylla skarð Dirk Kuyt. Um leið og Brendan Rodgers var ráðinn stjóri Liverpool var Gylfi orðaður við félagið.
Líkur: 9/10

2. Dan Sturridge
Gæti verið að falla aftar í goggunarröðinni hjá Chelsea eftir kaup félagsins. Komst ekki í EM-hóp Englands og gæti viljað nýja áskorun.
Líkur: 6/10

3. Scott Sinclair
Rodgers gæti sótt eina skærustu stjörnu Swansea. Allavega er ljóst að leikmaðurinn er til í viðræður.
Líkur: 7/10

4. Clint Dempsey
Vill yfirgefa Fulham og komast í Evrópukeppni. Charlie Adam var slakur á síðasta tímabili og gæti Dempsey verið betri kostur.
Líkur: 8/10

5. Moussa Dembele
Gríðarlega hæfileikur leikmaður sem á skilið að spila á stærra sviði en Fulham býður upp á. Það svið gæti verið Anfield.
Líkur: 5/10

6. Eljero Elia
Vistaskipti hans frá Hamburg til Juventus voru misheppnuð og hann spilaði aðeins fjóra leiki í ítölsku A-deildinni síðasta tímabil. Liverpool gæti veðjað á þennan vængmann sem gæti samt bara verið annar Ryan Babel?
Líkur: 5/10

7. Seydou Keita
Þessi leikmaður er orðinn 32 ára og mun líklega leita á önnur mið í sumar eftir dvöl hjá Barcelona. Líklegt er að þessi miðjumaður víki nú fyrir yngri leikmanni.
Líkur: 4/10

8. Luuk de Jong
Þarf Liverpool að bæta við fleiri möguleikum í sóknarlínuna? Liverpool fær samkeppni frá Newcastle ef félagið ætlar að reyna að krækja í leikmann sem skoraði 25 mörk fyrir Twente í hollensku deildinni 21 árs.
Líkur: 5/10

9. Juan Manuel Vargas
Sókndjarfur bakvörður sem lengi hefur verið orðaður við Liverpool. Fyrirliði landsliðs Perú og leikmaður Fiorentina á Ítalíu. Getur einnig spilað á vængnum. Það neikvæða er að Fiorentina fer fram á 12 milljónir punda fyrir hann.
Líkur: 7/10

10. Wilfred Zaha
Liverpool spurðist fyrir um þennan 19 ára strák í janúar. Zaha spilar með Crystal Palace og hefur þegar leikið fyrir enska U21-landsliðið. Hálf enska úrvalsdeildin hefur áhuga á leikmanninum.
Líkur: 5/10