,,Við fáum KR heim núna og það er frábært. Við erum að spila Evrópuleiki sitthvoru megin við og þó að það sé gömul klisja þá hugsuðum við fyrst og fremst um að fá heimaleik," sagði Magnús Gylfason þjálfari ÍBV við Fótbolta.net en liðið mætir KR í 8-liða úrslitum Borgunarbikarsins.
,,Vonandi verður stúkan tilbúin þarna og við fyllum stúkuna. Það er goslokahátíð í Eyjum þarna og ég geri ráð fyrir því að það verði fullt af fólki þarna."
,,Við erum að spila Evrópuleik í Írlandi á fimmtudeginum, síðan koma KR-ingar á sunnudegi eða mánudegi og síðan er Evrópuleikurinn heima á fimmtudegi. Það verður geysilega mikið af fjörugum verkefnum á þessum tíma."
Eyjamenn hafa komist á skrið að undanförnu en liðið hefur verið að endurheimta leikmenn úr meiðslum.
,,Það er bara Andri (Ólafsson) sem er meiddur og allir aðrir eru heilir þannig að það er barátta um að komast í 18-manna hópinn."
Hér að ofan má sjá viðtalið í heild sinni.
