Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   fim 05. júlí 2012 13:35
Magnús Már Einarsson
Heimild: Heimasíða Liverpool 
Brendan Rodgers: Erfum þetta ekki við Gylfa
Brendan Rodgers.
Brendan Rodgers.
Mynd: Getty Images
Brendan Rodgers, stjóri Liverpool, segist ekki hafa verið tilbúinn að borga meira fyrir Gylfa Þór Sigurðsson en hann hafði áður samið um sem stjóri Swansea.

Rodgers hafði náð samkomulagi um að kaupa Gylfa til Swansea á 6,8 milljónir punda áður en hann tók við Liverpool.

Gylfi gekk í gær til liðs við Tottenham en talið er að Spurs borgi hærra kaupverð fyrir Gylfa. Rodgers segist ekki hafa verið tilbúinn að borga þá upphæð.

,Hann og ég settumst niður og töldum að það að spila fótbolta væri mikilvægast fyrir hann. Auðvitað var þetta mikilvægt fjárhagslega líka svo við samþykktum samning við hann um að koma til Swansea og það var klárt," sagði Rodgers á heimasíðu Liverpool í dag.

,,Ég tók síðan við Liverpool og þá var þetta ekki að fara að gerast hjá Swansea. Hann hafði því möguleika á að velja hvert hann myndi fara. Ég vissi hvernig markaðurinn var og ég var ekki tilbúinn að borga meira en ég hafði samþykkt að gera áður."

,,Liverpool hefði gefið Gylfa frábært tækifæri til að spila undir stjórn stjóra sem hann þekkir og hjá félagi sem er alvöru fótboltastofnun."

,,Hann ákvað hins vegar að fara til Tottenham af einhverri ástæðu. Við erfum það ekki við hann. Við höfum önnur skotmörk og við höldum áfram."

Athugasemdir
banner
banner
banner