Gary Martin leikur síðari hluta Íslandsmótsins með KR ef allt fer eins og horfir.
Gary Martin leikmaður ÍA lék líklega lokaleik sinn fyrir ÍA í kvöld þegar liðið vann 4-0 sigur á Selfossi á heimavelli.
Hann staðfesti við Fótbolta.net eftir leikinn í kvöld að hann gangi líklega í raðir KR á næstunni en málin gætu skýrst strax í kvöld.
Þórður Þórðarson þjálfari ÍA sagði við Fótbolta.net eftir leikinn að Martin væri á förum frá félaginu og að ýmsar ástæður lægu að baki sem hann vildi ekki tjá sig um í fjölmiðlum. Hann sagði mögulegt að ÍA fái leikmann frá KR í hans stað.
Martin lagði upp tvö mörk í leiknum í kvöld og átti mjög góðan dag.
Viðtölin við Þórð og Gary Martin koma hér á Fótbolta.net innan skamms.
