Liverpool tókst ekki að fylla í skörðin en félagið var lengi á eftir Clint Dempsey og reyndi einnig að fá Daniel Sturridge á láni frá Chelsea.

Liverpool náði aldrei samkomulagi um kaupverð við Fulham um Demspey og gekk leikmaðurinn á endanum í raðir Tottenham á meðan Sturridge hafði engan áhuga á að vera lánaður.

Nú þegar félagaskiptaglugginn er lokaður hefur Michael Owen verið orðaður við endurkomu til Liverpool, en hann er án félags. Þá getur Liverpool hvenær sem er kallað á Andy Carroll tilbaka frá West Ham.

,,Hvaða leikmaður sem er getur styrkt hópinn. Við erum með alltof litlan hóp með nokkra unga leikmenn svo ég get ekki neitað neinum," sagði Rodgers.

,,Við vissum að við yrðum að fá liðssauka til að hjálpa leikmönnunum en tækifærið er farið svo ég get ekkert gert."