Milos í leik með KF.
,,Fyrri hálfleikur var jafn og í seinni hálfleik komumst við 1-0 yfir og byrjum vel. Mjög gott lið Hamars skorar svo tvö mörk en við skorum eitt mark í viðbót sem tryggir okkur upp í 1. deild," sagði Milos Glogovac fyrirliði KF eftir að liðið gerði 2-2 jafntefli við Hamarí Hveragerði í dag.
,,Mér finnst við hafa spilað vel í allt sumar og allir strákarnir hafa staðið sig vel. Þetta er frábært fyrir okkur," hélt hann áfram en var hann ekki orðinn hræddur þegar Hamar komst í 2-1?
,,Við sóttum bara til að vinna leikinn en jafntefli var fínt fyrir okkur. Nú þurfum við bara að einbeita okkur að næsta tímabili í 1. deild. Þetta er frábært fyrir Siglufjörð og Ólafsfjörð. Sjáðu fólkið sem kemur hingað á eftir okkur. Þetta er frábært."
Milos lék áður með Víkingi en fór fyrir tveimur árum til KF, hvernig hefur honum líkað?
,,Bara flott, ég spilaði síðasta ár og líka í ár. Þetta er frábært. Þetta eru allt strákar sem eru frábærir vinir, og þjálfarinn Lárus Orri er frábær og stjórnin. Allir vinna sem einn og það er gaman að klára þetta verkefni að fara upp. Það sama má segja um Völsung sem er mjög gott lið, það er gaman að fá tvö lið af norðurlandinu upp."
Athugasemdir
