Heimild: Skessuhorn
Skallagrímsvöllur er glæsilegur.
Stjórn knattspyrnudeildar Skallagríms hefur ákveðið að endurvekja meistaraflokk félagsins í karlaflokki og stefnir á að senda liðið til leiks á Íslandsmót í 4. deild karla næsta sumar. Félagið tók ekki þátt í Íslandsmótinu á liðnu sumri.
Stjórnin hefur gengið frá samningi við Einar Þorvald Eyjólfsson um þjálfun meistaraflokks en hann mun einnig þjálfa 3. flokk karla.
Samningurinn var undirritaður í gærkvöldi á sameiginlegum fundi stjórnar og þeirra leikmanna sem nú mynda æfingahóp meistaraflokks Skallagríms og gildir hann út næsta keppnistímabil.
Einar er Skallagrímsmönnum kunnur. Hann er fæddur og uppalinn Borgnesingur og á að baki fjölda leikja með meistaraflokki félagsins. Hann er íþróttakennari að mennt og þá hefur hann lokið UEFA B þjálfaragráðu.
Athugasemdir
