,,Við erum búnir að fá tilboð frá Sarpsborg. Við erum að fara yfir það og svörum þeim á mánudaginn," sagði Óskar Örn Ólafsson formaður knattspyrnudeildar í samtali við Fótbolta.net í dag.

Þórarinn Ingi hefur verið lykilmaður í liði ÍBV undanfarin ár en þessi 22 ára gamli leikmaður skoraði fimm mörk í sautján leikjum í Pepsi-deildinni síðastliðið sumar.

ÍBV seldi miðjumanninn Guðmund Þórarinsson til Sarpsborg á dögunum og Þórarinn gæti nú farið sömu leið. Sarpsborg tryggði sér sæti í norsku úrvalsdeildinni síðastliðið haust en markvörðurinn Haraldur Björnsson leikur einnig með liðinu.