Hollenski varnarmaðurinn Renee Troost hefur gengið til liðs við Rijnsburgse Boys í heimalandinu eftir að hafa leikið með Breiðabliki undanfarin tvö tímabil.
Rijnsburgse Boys er í 11. sæti af 16 liðum í hollensku C-deildinni en Troost skrifaði undir tveggja og hálfs árs samning við félagið.
Rijnsburgse Boys er í 11. sæti af 16 liðum í hollensku C-deildinni en Troost skrifaði undir tveggja og hálfs árs samning við félagið.
Troost kom til Blika fyrir tímabilið 2012 og spilaði þá alla leiki liðsins nema einn í Pepsi-deildinni.
Í sumar skoraði Troost síðan eitt mark í 18 leikjum í Pepsi-deildinni með Blikum.
Valur sýndi áhuga á að fá Troost í sínar raðir í haust en nú er ljóst að hann er ekki væntanlegur í Pepsi-deildina í sumar.
Athugasemdir
