Áslaug Arna Sigurbjörnsdóttir verður lögga á Hvolsvelli í sumar.
Sigurhrina Keflavíkur endar gegn KR að mati Áslaugar.
4. umferð Pepsi deildarinnar hefst klukkan 17:00 í kvöld og fara fjórir leikir fram á þessum fallega sunnudegi, og tveir á morgun.
Áslaug Arna Sigurbjörnsdóttir, laganemi og nýráðin lögreglukona á Hvolsvelli, sér um spána fyrir Fótbolta.net að þessu sinni.
Áslaug Arna hefur komið víða við og meðal annars verið formaður Heimdallar og verið fastur álitsgjafi í þættinum "Mín Skoðun" á Stöð 2. Hún hefur einnig fengið mikinn áhuga á fótbolta í gegnum bróður sinn, Magnús Sigurbjörnsson, og fengum við hana til að spá í spilin fyrir komandi umferð.
Áslaug Arna Sigurbjörnsdóttir, laganemi og nýráðin lögreglukona á Hvolsvelli, sér um spána fyrir Fótbolta.net að þessu sinni.
Áslaug Arna hefur komið víða við og meðal annars verið formaður Heimdallar og verið fastur álitsgjafi í þættinum "Mín Skoðun" á Stöð 2. Hún hefur einnig fengið mikinn áhuga á fótbolta í gegnum bróður sinn, Magnús Sigurbjörnsson, og fengum við hana til að spá í spilin fyrir komandi umferð.
Þór 1 - 2 Stjarnan (17:00)
Stjarnan á góðan leik á útivelli og mun sigra þróttlausa Þórsara. Stjarnan verður sterkari meirihluta leiksins, en Þórsarar munu koma inn í leikinn í lokin og þá mun Hlynur Atli Magnússon skora eina mark Þórsara.
FH 3 - 1 ÍBV (17:00)
ÍBV mun mæta ofjörlum sínum í Hafnafirðinum að þessu sinni og fá ekki að fagna jafn rækilega og eftir handboltaleikinn í síðustu viku. Davíð Þór Viðarsson mun skora tvö fyrir FH og Jón Jónsson eiga afbragðs góðan leik í vörninni.
Breiðablik 0 - 0 Fjölnir (19:15)
Við munum sjá markalaust jafntefli í Kópavoginum að þessu sinni. Hægur leikur og lítið um að vera. Fjölnismenn þó sterkari aðili leiksins en ná ekki að skora.
Keflavík 1 - 3 KR (19:15)
KR mun sigra Keflavík og koma gríðarlega sterkir til leiks. KR nær að skora þrjú mörk og þar af eitt úr víti. Keflavík mun þó standa í þeim og skora eitt mark.
Víkingur R 1 - 2 Fylkir (19:15 mánudag)
Fylkir mun sigra Víking á útivelli í fjörugum leik og bæði lið sýna skemmtilega takta. Ragnar Bragi Sveinsson mun eiga stórleik og skora fyrir Fylkismenn ásamt Andrési Má Jóhannessyni. Þá mun Arnþór Ingi skora eina mark Víkingsmanna.
Valur 1 - 2 Fram (20:00 mánudag)
Fram og Valur eigast við í spennandi og jöfnum leik. Framarar koma sterkari í leikinn og ná naumlega fram sigri. Einar Bjarni Ómarsson og Haukur Baldvinsson eiga mörk Framara og Arnar Sveinn Geirsson skorar markið fyrir Valsmenn.
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
