Aganefnd KSÍ kom saman í gær eins og aðra þriðjudaga og úrskurðaði leikmenn í leikbönn. Orri Freyr Hjaltalín leikmaður Grindavíkur fékk eins leiks bann fyrir ummæli sín á bloggsíðu sinni sem Fótbolti.net opinberaði fyrir tveimur vikum. Í kjölfar þessa birti Orri afsökunarbeiðni á Fótbolti.net auk þess sem Grindavik sendi frá sér yfirlýsingu um málið. Í úrskurði nefndarinnar sagði að bann Orra kæmi til vegna ósæmilegrar hegðunar.
Óðinn Árnason félagi Orra í Grindavík fékk einnig eins leiks bann vegna fjögurra gulra spjalda. Þá fékk Skagamaðurinn Stefán Þórðarson eins leiks bann og Scott Ramsey einnig en hann hefur tekið sitt bann út vegna brottvísunar.
Stefán Gíslason leikmaður Keflavikur fékk eins leiks bann vegna fjögurra gulra spjalda og sama fékk Englendingurin Jermaine Palmer hjá Víkingum en þetta er í annað sinn á stuttum ferli sínum hjá Víkingum sem hann þarf að taka út leikbann.
Sjá einnig:
Dónalegur Grindvíkingur
Afsökunarbeiðni frá Orra Frey Hjaltalín
Tilkynning frá Grindavík vegna Orra málsins
Orri fékk eins leiks bann fyrir ummælin
Athugasemdir
