Lars Lagerback, annar landsliðsþjálfara Íslands, er spenntur fyrir komandi leikjum gegn Lettlandi og Hollandi í undankeppni EM 2016 sem fram fara sitt hvoru megin við næstu helgi.
Lagerback er ánægður með þann hóp sem hann hefur úr að velja fyrir leikina, en hópurinn var kynntur í höfuðstöðvum KSÍ á Laugardalsvelli í dag.
Eina breytingin frá hinum magnaða 3-0 sigri gegn Tyrklandi er sú að Alfreð Finnbogason kemur inn fyrir Hauk Heiðar Hauksson.
Lagerback er ánægður með þann hóp sem hann hefur úr að velja fyrir leikina, en hópurinn var kynntur í höfuðstöðvum KSÍ á Laugardalsvelli í dag.
Eina breytingin frá hinum magnaða 3-0 sigri gegn Tyrklandi er sú að Alfreð Finnbogason kemur inn fyrir Hauk Heiðar Hauksson.
,,Ég er mjög sáttur. Flestir leikmenn eru að spila mjög mikið og eina spurningarmerkið er Jóhann Berg Guðmundsson, og eini leikmaðurinn sem hefur lítið verið að spila er Birkir Már, þannig þetta lítur vel út," sagði Lars við Fótbolta.net.
,,Við munum virkilega einbeita okkur að því með leikmönnunum. Við munum sýna þeim margar myndir tengdar þessu, að þú vinnur engin stig á sögunni. Þú getur lært af sögunni og við munum reyna það, svo ég er viss um að við munum undirbúa okkur þannig að leikmennirnir verða 100 prósent tilbúnir og með 100 prósent hugarfar þegar flautað verður til leiks í Lettlandi," sagði Lars.
,,Lettland er mjög vel skipulagt lið, þeir eru með ungan þjálfara og hann hefur komið mér á óvart. Hann var góður leikmaður þegar þeir fóru í lokakeppni EM, og þeir eru mjög skipulagðir og frekar góðir."
,,Þeir eru frekar lágt settir á styrkleikalista FIFA, alveg eins og við vorum þegar við hófum síðustu undankeppni. En það lítur út fyrir að það sé mjög erfitt að vinna þá, þeir fá mjög fá mörk á sig. Þetta verður erfitt svo við verðum að spila vel og vera þolinmóðir ef þeir spila svona varnarleik."
Athugasemdir