Viktor Örn Guðmundsson.
Fjarðabyggð hefur fengið vinstri bakvörðinn Viktor Örn Guðmundsson til liðs við sig.
Viktor er uppalinn hjá FH en hann gekk til liðs við Fylki haustið 2013. Hann yfirgaf herbúðir Fylkis á dögunum og æfði í kjölfarið með ÍBV. Nú hefur hann aftur á móti gengið til liðs við Fjarðabyggð.
Í fyrrasumar spilaði Viktor átta leiki með Fylki áður en hann fór til KA þar sem hann var á láni síðari hluta tímabils.
Viktor getur leikið bæði sem vinstri bakvörður og kantmaður en hann hefur skorað þrettán mörk í 79 deildar og bikarleikjum á ferli sínum.
Fjarðabyggð leikur í 1. deildinni í sumar en Viktor gæti spilað sinn fyrsta leik með liðinu gegn Keflavík í Lengjubikarnum á sunnudag.
Athugasemdir
