Bjarni Mark Antonsson.
Fjarðabyggð hefur fengið liðsstyrk fyrir átök sumarsins í 1. deildinni en Bjarni Mark Antonsson og Viðar Þór Sigurðsson hafa gengið til liðs við félagið á lánssamningum.
Bjarni Mark er miðjumaður sem kemur á láni frá KA. Bjarni gekk upp úr 2. flokki síðasliðið haust en hann er sonur Mark Duffield sem er leikjahæsti leikmaður í sögu Íslandsmótsins.
Viðar Þór er stór og stæðilegur framherji úr KR en hann er ennþá á elsta ári í 2. flokki.
Viðar hefur fengið smjörþefinn af því að leika með meistaraflokki KR á undirbúningstímabilinu.
Fjarðabyggð er spáð 10. sæti í 1. deildinni í sumar en liðið mætir Grindavík í fyrstu umferðinni á morgun.
Viðar Þór Sigurðsson.
Athugasemdir
