Varnarmaðurinn Daniel Ivanonvski hefur leikið sinn síðasta leik með Fjölni en þetta staðfesti Ágúst Gylfason þjálfari liðsins í samtali við Fótbolta.net.
Daniel er frá Makedóníu en hann hefur verið öflugur í vörn Fjölnis í sumar.
Vegna fjölskylduaðstæðna hefur Daniel beðið um að vera leystur frá samningi og Fjölnir varð við þeirri ósk.
„Hann fer til síns heima á morgun," sagði Ágúst.
,Það er mikill missir af þessum frábæra leikmanni. Hann gaf okkur mikið innan sem utan vallar."
Daniel kom til Fjölnis fyrir tímabil eftir að hafa leikið með Mjallby í sænsku úrvalsdeildinni.
Athugasemdir
