Hannes Þór Halldórsson, Jóhann Berg Guðmundsson og Rúrik Gíslason eru allir fjarri góðu gamni vegna meiðsla. Jóhann Berg gæti þó mögulega náð leiknum gegn Slóvakíu og þá verður hann kallaður inn í hópinn.

„Við höfum verið mjög fastheldnir á leikmannahópinn hingað til. Hópurinn hefur staðið sig vel og liðsandinn hefur verið góður," sagði Heimir.

„Við viljum nota þessa tvo leiki til að skoða leikmenn sem eru á jaðrinum að komast inn. Í staðinn höfum við ákveði að hvíla eldri leikmennina í landsliðinu. Við vitum nákvæmlega hvað þeir geta og þurfum ekki að skoða þá."

Á meðal leikmanna sem eru hvíldir eru Eiður Smári Guðjohnsen, Emil Hallfreðsson, Gunnleifur Gunnleifsson og Hallgrímur Jónasson.

Viðar Örn Kjartansson og Sölvi Geir Ottesen eru báðir í fríi en þeir eru á leið í bikarúrslitaleik með Jiangsu Sainty í Kína. Þeir munu í staðinn spila vináttuleiki með landsliðinu í janúar en þá verða að öðru leyti einungis leikmenn frá félögum í Norðurlöndunum í hópnum.

Markverðir:
Ögmundur Kristinsson (Hammarby)
Ingvar Jónsson (Sandnes Ulf)
Frederick Schram (Vestsjælland)

Varnarmenn:
Birkir Már Sævarsson (Hammarby)
Kári Árnason (Malmö)
Ragnar Sigurðsson (Krasnodar)
Ari Freyr Skúlason (OB)
Haukur Heiðar Hauksson (AIK)
Hörður Björgvin Magnússon (Cesena)
Hólmar Örn Eyjólfsson (Rosenborg)
Sverrir Ingi Ingason (Lokeren)
Hjörtur Hermannsson (PSV Eindhoven)

Miðjumenn:
Aron Einar Gunnarsson (Cardiff)
Birkir Bjarnason (Basel)
Gylfi Þór Sigurðsson (Swansea)
Theodór Elmar Bjarnason (AGF)
Rúnar Már Sigurjónsson (GIF Sundsvall)
Elías Már Ómarsson (Valerenga)
Arnór Ingvi Traustason (IFK Norrköping)
Oliver Sigurjónsson (Breiðablik)

Sóknarmenn:
Kolbeinn Sigþórsson (Nantes)
Alfreð Finnbogason (Olympiakos)
Jón Daði Böðvarsson (Viking)