Stoke vann 1-0 sigur og háðu Shawcross og Costa nokkrar rimmur í leiknum. Shawcross segir að Spánverjinn hafi gert mistök og gleymt sér í hita leiksins.

„Þegar Costa var farinn að einbeita sér að mér en ekki leiknum þá var stríðið unnið fyrir mig. Hann er frábær leikmaður og ég var ánægður að ná að slökkva í honum," sagði Shawcross.

Hann sagðist jafnframt vera ánægður með þær framfarir sem félagið væri að taka undir stjórn Mark Hughes.

„Við erum með landsliðsmenn sem komast ekki í byrjunarliðið og það sýnir hversu langt við erum komnir," sagði Shawcross.