Árni er uppalinn Bliki og á hann yfir 60 leiki með liðinu og skoraði hann í þeim 22 mörk.

„Við erum að skoða okkar mál og erum að líta í kringum okkur. Það er ekkert komið á hreint en hann er klárlega spennandi kostur," sagði Arnar Grétarsson.

Hann bætti við að Höskuldur Gunnlaugsson, leikmaður liðsins er að glíma við minniháttar meiðsli og er hann þess vegna ekki í hóp hjá liðinu er það mætir FK Jelgava í seinni leik liðanna en leikið verður í Lettlandi á morgun.

Hann ætti hins vegar að vera klár í næsta deildarleik gegn ÍA á sunnudag.