Heimild: Blikar.is
Tekur sér frí frá fótbolta
Sóknarmaðurinn Guðmundur Atli Steinþórsson hefur verið sendur í ótímabundið leyfi frá fótbolta.
Guðmundur Atli gekk til liðs við Breiðablik fyrir þetta tímabil og hefur komið við sögu í sex leikjum í Pepsi-deild karla.
Guðmundur Atli gekk til liðs við Breiðablik fyrir þetta tímabil og hefur komið við sögu í sex leikjum í Pepsi-deild karla.
Samkvæmt frétt frá Blikum.is var þetta ákveðið eftir læknisrannsóknir, sem UEFA gerir kröfu á að allir leikmenn gangist undir í tengslum við Evrópukeppnir.
„Í kjölfar læknisrannsókna, sem UEFA gerir kröfu um að allir leikmenn undirgangist í tengslum við Evrópukeppnir sambandsins, var ákveðið að Guðmundur Atli Steinþórsson skyldi undirgangast frekari rannsóknir. Guðmundur mun gera hlé knattspyrnuiðkun þar til niðurstöður umræddra rannsókna liggja fyrir," segir í fréttinni frá Blikum.is.
„Knattspyrnudeild Breiðabliks sendir Guðmundi Atla baráttukveðjur og vonast til að sjá hann aftur á vellinum sem allra fyrst."
Uppfært 14:18: Breiðablik hefur bætt við tilkynningu sína: „Það var hjartaómskoðunin hjá Guðmundi sem kom ekki nægilega vel út. Hann greindist með sjúkdómseinkenni sem þarfnast frekari skoðunar."
Athugasemdir