Alexander var á eldi í dag
„Það er frekar svekkjandi að ná ekki að klára þennan leik.“ Sagði Alexander Veigar leikmaður Grindavíkur eftir 4-3 tap gegn Þór í dag en Alexander skoraði öll mörk Grindavíkur. „Við spiluðum vel fram á við en vorum ekki að ná að klára færin.“
Lestu um leikinn: Þór 4 - 3 Grindavík
„Þetta var mjög opinn leikur. Þeir fengu helling af færum líka og nýttu sína styrkleika mjög vel. Það er erfitt að verjast svona stórum manni frammi og öllum seinni hlaupunum í kring. Við fengum helling af færum og áttum bara að vera búnir að klára þetta.“
Alexander sagði það of mikið að fá á sig 4 mörk í leiknum:
„Þeir fengu ekki mikið af færum í viðbót, nýttu bara færin sín mjög vel. Eiginlega fáranlegt að þeir hafi skorað 4 mörk og við bara skorað 3. Það er eitthvað sem við getum skoðað.“
Eftir Þrennuna í dag er Alexander efstur í baráttunni um markakóngstitilinn með 14 mörk. Spurður hvort stefnan væri á markakóngstitililinn sagði Alexander:
„Þegar eru bara tveir leikir eftir og við komnir upp þá má maður alveg setja sér þannig markmið en annars spái ég frekar lítið í því hver skorar eða hvort ég skori eitt eða tvö eða ekkert.“
Nánar er rætt við Alexander í spilaranum fyrir ofan
Athugasemdir
