„Þetta kemur í ljós í vikunni. Ég er að fara út á námskeið á laugardaginn en ég reikna með að allt verði á hreinu fyrir það," sagði Milos við Fótbolta.net í dag.

„Ég held að það sé vilji hjá báðum aðilum. Við þurfum að setjast niður í vikunni, skoða markmið og sjá hvort við séum á sömu línu."

Milos tók einn við Víkingi um mitt sumar árið 2016 en hann hafði áður þjálfað liðið með Ólafi Þórðarsyni.

Í sumar endaði Víkingur í 7. sæti í Pepsi-deildinni en liðið lagði Þrótt R. í lokaumferðinni um helgina.